பொதுவாகவே எனக்கு எப்போதுமே பூனைகளை பிடித்ததில்லை
நான் படித்துப்பார்க்கும் எல்லோருக்கும்
நகுலனுக்கும் சுந்தர ராமசாமிக்கும் போதலேருக்கும்
முராகாமிக்கும் பாரதியாருக்கும்
எல்லோருக்கும் பூனைகளைப் பிடித்திருக்கிறது
எனக்கோ அவ்வளவாக பூனைகளைப் பிடிப்பதில்லை
இத்தனையும் படிக்கையிலே
எனக்கும் பூனைகளை
பிடித்துப்
போய் விடவேண்டும் போலவே இருக்கிறது
ஆயினும்
என்னால் எனக்கு
பூனைகளை பிடிக்க வைக்க
முடியவில்லை
கருத்துகள் இல்லை:
கருத்துரையிடுக